Open Source Content Management

Sinnu näüdäs´ mullõ edimist kõrda mu peigmiis

keväjäpääväl, ku ma tiä mõrsjas sai.

Sa kõndsõ sõs katskidsõ lossimüürü veeren haina seen,

ma su sinihahka pääd, su verkjäisi põski ja puku kai.

Tuust keväjäst pääle olt sa minnu läbi elu saatunu. 

Ma olõ sinnu mehega kuun mõtsu müüdä rännäten kullõlnu,

sa olt laulunu äripäävä hummugu mu tüüpaiga ligi,

koduliina pargi lõhmussin nink imä aia vanun uibin.

Täämbä sai ma sukka kokku matusaiapühäl.

Sa saisõ mu lähükesen sammõldunu posti otsan.

Pasunakuur meist kavvõmbal mängse luku ikävaigu minemisest,

su kurgualunõ habisi vahet pidämäldä,

sa lauli elämisest ja ilulidsõst olõmisõst.

Häniläne (Mariina Paesalu)