Open Source Content Management

Ma kae sinnu läbi tolmudsõ köögiaknõ.

Seo keväjä olt sa jälleki valgõn mõrsjarüvvün.

Tahtunu sinnu sõrmõga tassakõistõ puttu

ja õdaguvalgõn hillä saista su all.

Aga sa ei olõ mu uma,

mul ei passi minnä su manu.

Õnnõ kavvõst või ma nätä su keväjäst häitsemist

nink sügüse rõõmu tunda su kullatsist ubinist.

Inemine õks taht siin ilman

kõkõ ilusat hindä umas saia.

Mõnikõrd ummõhtõgi suur rõõm um süämen,

ku illu võit kavvõndaltki kaia.

Täämbä hummugu ma puhtas mõsõ aknõ

ja tuimusõst uma henge nink silmä.

Sõs su helle valgus mu tarrõ tulõ.

Ma mitmid päivi tuu seen õnnõlik olõ.

Häniläne (Mariina Paesalu)