Luuletus "Tuhkatriinu"

Lisainfo
Avaldatud Kolmapäev, 26 Oktoober 2011 20:34

 

Es olõ prindsil krõstalkängä,

midä pruuvi Tuhkatriinu tsillukõistõ jalga.

Käng oll´ karmanist mõtsa vahjõlõ sadanu

ja näiu mehe mõttist kaonu.

 

Rutas´ prints lakja ilma,

es näe tiä kurvastust Tuhkatriinu silmän.

Kullu pikä päävä, nädäli, kuu nink aastaga,

es kosi kiäki tütrikku hindäle kaasas.

 

Tuhkatriinu, pää hahk, sälg kühmän,

õks viil uut´ aknõ man,

krõstalkängäkene kuiunu kangli all.

Es olõ kulupääd kuningatki tulõman.

 

Aga ütskõrd päält sügüsest halla

valgõ habõnaga talumiis sõit´ ussõ ala.

Timä Tuhkatriinu umma vankrilõ võtt´

ja krõstalkängä kõrvalõ paari tsuugõ sääd´.

 

 

Häniläne (Mariina Paesalu)