Saimi kokko kell 14.00 Sakala 14.
Pääväkõrd:
- Ettekannõ-tegevusaruannõ 2023. a tegemiisist - juhatusõ esimiis Müürsepä Külli
- Revisjonikomisjoni aruannõ – revisjonikomisjoni esimiis Viikma Aala
- Majandusaasta aruandõ kinnitämine – kõik sääl olnu´ 55 liigõt (üten volikirjuga) olli ütsimeeli puult.
Seldsin kokku om 01.01.2024. aasta saisoga 91 liigõt.
- Sakala 14 rendihinna mitmõkõrdnõ nõsõminõ - kõnõl Berendsen-Koržetsi Kersti. Kuna asukotus om hää, tsõõri´ omma harinu ja tahtva siin edesi kävvü, suurkogolõ om saal paslik, sis otsustõti kuludõ kattõs nõsta liikmõmassu. Ütsimmeeli kiteti hääs, et 2024. a om aastamass mittetüütäväle pensionärilõ 20 eurot, tüül käüväle liikmõlõ, sh pensionärilõ, 25 eurot ja liitumismass 10 eurot. Tahtmisõ perrä saa aastamassu massa ka katõn jaon.
- Muusigalinõ etteastõ oll katõlt klavõrioppajalt: Kolditsi Maie ja Traksi Lia mängsevä võimsalt neläl käel üte klavõri pääl tutvit klassikalugusid.
- Einasto Rein, tuntu ku Paevana, kõnõl hindäst ja ummist tegemiisist geoloogina.
- Anti järgmäist teedüst:
- Tallinna Tiina tettü Jaapani aia pilte välläpanõk ja timäpuulnõ teedüstüs om Poska 15 majan 05.03.2024; Tiina om nõun sjoo keväjä meile olõma ka giidis Kadrioro Jaapani aian.
- Uma Pido Põlvan om 01.06.2024. Kel oll mineku suuv, pandsõ nime kirja; juhatus organisiir bussi.
- Järgmine Suurkogo om 05.05.2024 Sakalan. Üles pandas näpotüü näutüs-müük. Küllä om kutsutu üts kultuurikõrraldaja Lõuna-Eestist.
- Järgmine võro keele kohvitarõ om 21.03.2024 kell 17.30 Kadrioro raamadukogon Koidula 12.